ᖃᐅᔨᓴᕐᓂᖅ 2022

ᑯᐄᓐ ᐅᒥᐊᖁᑖ ᐃᕇᐸᔅ

ᐊᐃᑉᐳᓘ

2022−ᖑᑎᓪᓗᒍ ᒥᕐᖑᐃᓯᕐᕕᒃ ᑲᓇᑕᒥ ᐃᒪᐅᑉ ᐃᓄᐊᓂ ᐃᓂᑐᖅᓂᑐᖃᓕᕆᔩᑦ ᐱᓕᕆᖃᑎᒌᑦ ᐊᒻᒪᓗ ᐃᓄᐃᑦ ᓇᐅᑦᓯᑐᖅᑏᑦ ᓇᑦᑎᓕᖕᒥ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᐅᑎᖅᑐᒥᓃᖅ ᐅᒦᔭᕈᑕᐅᔪᕕᓂᖅ ᑯᐄᓐ ᐅᒥᐅᖁᑖ ᐃᕆᐸᔅ ᐊᕐᕌᒎᒃ ᒪᖮᕈᒃ ᑭᖑᓂᖓᓂ ᓯᕗᓪᓕᖅᐹᒥ ᐅᐸᒍᑎᓪᓗᒍ ᐅᒦᔭᕐᕕᒥᓂᖅ. ᒥᕐᖑᐃᓯᕐᕕᒃ ᑲᓇᑕᒥ ᐃᒪᐅᑉ ᐃᓄᐊᓂ ᐃᓂᑐᖅᓂᑐᖃᓕᕆᔩᑦ ᐱᓕᕆᖃᑎᒌᑦ ᐊᒻᒪᓗ ᐃᓄᐃᑦ ᓇᐅᑦᓯᑐᖅᑏᑦ ᓯᑯᒥ ᐊᐅᓪᓚᖅᓯᒪᕕᓕᒥᓃᑦ ᖁᓛᓂ ᐅᒦᔭᕈᑕᐅᔪᕕᓂᖅ ᓇᑦᕠᐊᓕᕐᕕᒃ 23−ᖑᑎᓪᓗᒍ ᑕᒫᓃᑦᓱᑎᒃ ᖃᕚᖮᕕᒃ 2−ᒧᓄᑦ. ᐊᐅᓚᑕᒐᖅ ᐊᔾᔨᓕᐅᕈᑎᓕᒃ ᐃᖏᕐᕋᔫᖅ (ᐃᖏᕐᕋᔫᖅ) ᐃᖅᑳᓅᖅᑎᑕᐅᖃᑦᑕᖅᑐᒥᓂᖅ ᐊᕐᕕᓂᓕᒃᕋᖅᑎᑕᐅᓪᓗᓂ ᓯᑰᑉ ᐊᑖᓂ ᑎᑎᕋᖅᑕᐅᕙᓪᓕᐊᓪᓗᓂ ᐅᒦᔭᕐᕕᒥᓂᖅ ᐊᔾᔨᓕᐅᕈᑎᓕᒻᒧᑦ ᐊᒻᒪᓗ ᒪᓕᑦᑎᒍᑦ ᐊᔾᔨᓕᐅᕆᒍᓐᓇᖅᑐᓄᑦ, ᐊᔾᔨᓐᖑᐊᖏᑎᒍᑦ ᑕᑯᓪᓗᒍ ᐅᒦᔭᕐᕕᒥᓂᖅ ᐊᓯᔾᔨᖅᓯᒪᓗᐊᕐᓂᖏᑦᑐᖅ ᐅᐸᑦᑕᐅᓯᒪᓚᐅᖅᓯᒪᒻᒪᓂ 2019−ᒥᓂᑦ ᓱᕐᕋᑦᓯᒪᓗᐊᖏᑦᑐᖅ. ᐃᓄᐃᑦ ᓇᐅᑦᓯᑐᖅᑏᑦ ᐃᑲᔪᖅᓯᒪᔪᑦ ᐃᑦᑕᕐᓂᓴᖃᕐᕕᓂᑦ ᐊᒻᒪ ᐊᑐᖅᑕᐅᔪᓂ ᐅᓯᑲᑦᑕᖅᑎᐅᓪᓗᑎᒃ, ᐃᓂᓪᓚᑦᓴᐃᔨᐅᓪᓗᑎᒃ ᐃᓂᐅᓂᐊᖅᑐᒥ, ᐊᒻᒪᓗ ᐆᒪᔪᕐᓂᒃ ᖃᐅᔨᓴᖅᑎᐅᓪᓗᑎᒃ.

ᐊᐅᒡᒍᓯ ᐊᒻᒪ ᓰᑦᑏᕝᕙ

ᐃᒪᐅᑉ ᐃᓄᐊᓂ ᐃᓂᑐᖅᓂᑐᖃᓕᕆᔨᑦ ᐱᓕᕆᖃᑎᒌᑦ ᐅᐸᒍᑎᓯᒪᒃᑲᓂᖅᑐᒥᓃᑦ ᐅᒦᔭᕈᑕᐅᔪᕕᓂᖅ ᐃᕆᐸᔅ ᐃᑦᕦᕕᒃ, ᐱᐊᕋᓕᒡᓄᑦᖑᑎᓪᓗᒍ ᐊᒥᕋᐃᔭᕐᕕᒃ ᐸᖕᓂᕐᓄᑦᒥᓗ ᐃᑭᒪᓪᓗᑎᒃ ᒥᕐᖑᐃᓯᕐᕕᒃ ᑲᓇᑕᒥ ᖃᐅᔨᓴᖅᓂᕐᒧᑦ ᐅᒥᐊᖅ ᑕᐃᕕᑎ ᑖᒻᓴᓐ ᐊᑦᖃᖅᑐᖅᓂᑦ ᐊᐅᓚᑦᓯᖃᑕᐅᓪᓗᑎᒃ. ᑖᓐᓇ ᑕᐃᕕᑎ ᑖᒻᓴᓐ ᐃᖏᕐᕋᓯᔪᒥᓂᖅ ᐅᖅᓱᖅᑑᒥᒃ (ᐅᖅᓱᖅᑑᖅ), ᓄᓇᕗᑦ, ᐋᒐᓯ 30-ᖑᑎᓪᓗᒍ ᐊᑦᖃᖅᑐᑦ ᐊᒻᒪᓗ ᓄᓇᓕᕆᔪᑦ ᐃᖅᑲᕐᒥ ᑲᓕᖃᑦᑕᖅᑕᖏᓐᓂ ᕿᓂᖅᑎᕐᔪᐊᑉ ᑎᑭᑖ ᖃᐅᖓᓂ ᐅᒦᔭᕈᑕᐅᔪᕕᓂᐅᑉ ᐃᕆᐸᔅ.

ᐅᑉᓗᓄᑦ ᖁᓕᓪᓗ ᐊᑕᐅᓯᕐᓗ ᐃᖅᑲᓇᐃᔭᖃᑎᒌᑦ ᐊᑦᖅᑲᖅᑐᑎᒃ ᐃᖅᑲᕐᒧᑦ 57−ᕋᖅᓱᑎᒃ, ᓇᓂᓯᔪᒥᓂᐅᓪᓗᑎᒃ ᑳᐱᑕᐅᑉ ᓯᑑᕗᑦ ᐱᖁᑎᖃᕐᕕᒥᓂᖓᓂᒃ ᐃᓂᒋᕙᑦᑕᒥᓂᖏᓐᓂᓪᓗ ᑐᖏᓕᐅᔪᓄᑦ ᐱᖓᔪᒋᔭᐅᔪᓄᓪᓗ ᐅᒥᐊᓕᑦᑕᓄᑦ. ᕼᐊᓐᓇᓚᖏᓐᓃᑦᑐᑦ ᐱᖁᑎᒥᓃᑦ ᖃᐅᔨᓴᖅᑕᐅᑦᓯᐊᖅᓱᑎᒃ ᐱᔭᐅᖃᑦᑕᖅᑐᒥᓃᑦ, ᐱᖃᓯᐅᔾᔭᐅᔪᒥᓃᑦ ᑕᑯᒥᓇᖅᓱᓂ ᐊᒥᓕᒃ ᐅᖃᓕᒫᒐᖅ ᑕᐃᒪᓘᓐᓃᑦ ᑎᑎᕋᖅᓯᒪᔪᖅ ᑳᐱᑕᐅᑉ ᓯᑑᕗᑦ ᐱᖁᑎᖃᕐᕕᒥᓂᖓ, ᐊᒻᒪᓗ ᐃᓪᓗᒌᒃ ᑐᐃᒥᐅᑖᒃ ᐊᓐᓄᕌᒧᑦ ᐃᒡᓗᐱᐊᖅᑑᑦ ᐴᕐᒥᓃᖅᑐᖅ ᑐᖏᓕᐅᑉ ᐅᒥᐊᓕᑦᑕᐅᑉ ᐱᖁᑎᖃᕐᕕᖓᓃᑦᑐᒥᓂᖅ. ᐅᔭᕋᕈᖅᓯᒪᔪᖅ ᖃᐅᔨᔭᒥᓂᖅ ᐱᖓᔪᐊᑕ ᐅᒥᐊᓕᑦᑕᐅᑉ ᐱᖁᑎᖃᕐᕕᒥᓂᖓᓂ ᑕᐃᑦᓱᒪᓂᑕᖅ ᐱᖁᑎᒥᓂᖅ ᐱᔭᐅᓚᐅᖅᑐᓂᖅ 1845−ᖑᑎᓪᓗᒍ ᐃᖏᕐᕋᔪᒥᓂᕐᓂ. ᑕᒪᒃᑯᐊ ᐱᖁᑎᒥᓃᑦ ᖃᐅᔨᓴᖅᑕᐅᑲᓐᓂᖅᑐᑦ ᐱᐅᖅᓱᐊᖅᑕᐅᓪᓗᑎᓪᓗ ᐋᑐᐊᒥ.