ᑐᓴᕋᑦᓴᓕᐊᖅ

Wrecks of HMS Erebus and HMS Terror National Historic Site

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᒪᐅᑉ ᐃᖅᑳᓂ ᐃᑦᑕᕐᓂᑕᓕᕆᔨᖏᑦ ᐱᐊᓂᓚᐅᖅᐳᑦ ᐊᐅᔭᐅᓂᖓᓂ ᖃᐅᔨᓴᕐᓂᕆᓚᐅᖅᑕᖏᓐᓂᑦ ᐅᒦᔭᕐᓂᑯᒥᓂᐅᔫᓐᓂᑦ ᑯᐃᓐ ᐅᒥᐊᖁᑖᓂᒃ ᐃᕆᐸᔅᒥᑦ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖᓂᒃ ᑎᐅᕈᕐᒥᑦ (HMS Terror) ᑲᓇᑕᒥ ᐃᑦᑕᕐᓂᑕᖃᕐᕖᒃ ᐃᓂᖃᕐᕕᖏᓐᓂ

ᑕᐸᐃᕐᓇᖅᑐᑦ ᐃᑦᑕᕐᓂᑕᐃᑦ ᓄᐊᑕᐅᓚᐅᖅᑐᑦ, ᐊᒥᓱᓪᓗ ᑕᐅᓴᖏᓐᓃᑦᑐᑦ ᐊᔾᔨᙳᐊᑦᓯᐊᕙᐅᔪᑦ ᐊᔾᔨᓕᐅᖅᑕᐅᖃᑦᑕᓚᐅᖅᑐᑦ ᐅᓪᓗᐃᑦ ᖁᓕᓪᓗ ᒪᕐᕉᓪᓘᓐᓃᑦ ᐃᓗᐊᓂ ᖃᐅᔨᓴᖅᑎᓪᓗᒋᑦ

ᔮᓐᓄᐊᓕ 22, 2024

ᖔᑦᓅ, ᑯᐸᐃᒃ

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ

ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᒫᒃ−ᐋᓐᑐᕋᐃ ᕘᓂᐊᐃ ᑲᒪᑦᓯᐊᒻᒪᕆᑦᑐᓂ ᐲᔭᐃᔪᖅ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒥᐊᕐᔪᐊᑉ ᓯᕗᐊᓂ (ᐅᒥᐊᕐᔪᐊᒦᑦᑐᓄᑦ ᐃᓂᐅᕙᑦᑐᒥᓂᕐᒥ) ᐊᑖᓂ ᐅᒥᐊᕐᔪᐊᑉ ᑕᕝᕙᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᓯᑦᑕᕝᕙ 14, 2023.. ᑎᒍᒥᐊᖅᑐᖅ ᓇᓂᔭᐅᓂᑯᒥᑦ ᐃᓅᓕᓴᐅᑎᒃᑯᕕᒥᓂᕐᒥᒃ ᐃᑦᑕᕐᓂᑕᖃᐅᑎᐅᑉ ᐴᑦᓴᔭᖓᓂ.
ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᒫᒃ−ᐋᓐᑐᕋᐃ ᕘᓂᐊᐃ ᑲᒪᑦᓯᐊᒻᒪᕆᑦᑐᓂ ᐲᔭᐃᔪᖅ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒥᐊᕐᔪᐊᑉ ᓯᕗᐊᓂ (ᐅᒥᐊᕐᔪᐊᒦᑦᑐᓄᑦ ᐃᓂᐅᕙᑦᑐᒥᓂᕐᒥ) ᐊᑖᓂ ᐅᒥᐊᕐᔪᐊᑉ ᑕᕝᕙᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᓯᑦᑕᕝᕙ 14, 2023. ᑎᒍᒥᐊᖅᑐᖅ ᓇᓂᔭᐅᓂᑯᒥᑦ ᐃᓅᓕᓴᐅᑎᒃᑯᕕᒥᓂᕐᒥᒃ ᐃᑦᑕᕐᓂᑕᖃᐅᑎᐅᑉ ᐴᑦᓴᔭᖓᓂ.
ᐊᔾᔨᓕᐅᒐᖓ: ᕗᕋᑦ ᓰᒧᐊᑉ / ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ

ᓄᓐᖑᐊᓂ 2023 ᐊᐅᔭᖓᑕ ᐃᓱᓕᒃᑎᓪᓗᒍ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓱᓕᑦᑎᑦᓯᓚᐅᖅᐳᑦ ᖃᐅᔨᓴᓚᐅᖅᑕᒥᓐᓂᑦ ᐃᑦᑕᕐᓂᑕᓕᕆᓂᕐᒥᑦ ᐅᒦᔭᕐᓂᑯᒥᓃᓐᓂᒃ ᑯᐃᓐ ᐅᒥᐊᖁᑖᓂᒃ ᐃᕆᐸᔅᒥᑦ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖᓂᒃ ᑎᐅᕈᕐᒥᑦ (HMS Terror) ᐃᑦᑕᕐᓂᑕᖃᕐᕖᒃ ᐃᓂᖃᕐᕕᖏᓐᓂ ᓄᓇᕗᒻᒥ.

ᖃᐅᔨᓴᖅᑐᓕᕆᓂᕐᒥ ᐱᓕᕆᖃᑎᒌᑦᑐᑦ 68−ᖏᖅᓱᖅᓱᑎᒃ ᐊᖅᑲᐅᒪᓚᐅᖅᐳᑦ ᐅᓪᓗᓂᒃ ᖁᓕᓪᓗ ᒪᕐᕉᓪᓗ ᐃᓗᐊᓂ ᖃᐅᔨᓴᖅᑐᑎᒃ ᑎᑎᕋᖅᐸᓪᓕᐊᓪᓗᑎᓪᓗ ᐅᒦᔭᕐᓂᑯᒥᓂᐅᑉ ᒥᑦᓵᓄᑦ ᑯᐃᓐ ᐅᒥᐊᖁᑖᓂᑕ ᐃᕆᐸᔅ (HMS Erebus) ᑲᒪᑦᓯᐊᕋᓱᒻᒪᕆᑦᑐᑎᒃ ᐃᑦᑕᕐᓂᑕᓂᑦ ᐲᔭᐃᓚᐅᖅᑐᑦ ᑖᒃᑯᐊ ᑲᑎᑕᐅᓪᓗᑎ ᐋᖅᑭᑦᓱᖅᑕᐅᓚᐅᖅᑐᑦ ᑐᑭᓯᒍᑕᐅᒃᑲᓐᓂᖁᓪᓗᒍ 1845−ᖑᑎᓪᓗᒍ ᕗᕌᓐᑭᓕᓐ ᐃᖏᕐᕋᓂᕆᓚᐅᖅᑕᖓ, ᐱᖃᑕᐅᓪᓗᓂ ᐃᒪᒃᑯᑦ ᓇᐅᒃᑰᓚᐅᕐᒪᖔᑕ, ᖃᐅᔨᓴᖅᑐᓕᕆᓂᕐᒥᓗ ᑭᓪᓕᓯᓂᐊᕐᓂᕐᒨᖓᔪᑦ, ᐃᓅᓯᖃᕐᓂᒥᓂᖏᑕᓗ ᒥᒃᓵᓄᑦ ᐅᒥᐊᕐᔪᐊᒦᑎᓪᓗᒋᑦ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑦᑕᕐᓂᑕᓕᕆᔨᖏᑦ ᓇᓂᓯᓚᐅᖅᑐᑦ ᐊᑦᑐᐊᔪᓂᑦ ᖃᐅᔨᒪᒐᓱᐊᕈᑎᓄᑦ ᐃᒪᒃᑯᑦ ᓇᐅᒃᑰᕐᓂᐊᕐᒪᖔᑕ, ᖃᐅᔨᓴᖅᑐᓕᕆᓂᕐᒨᖓᔪᓂᑦ, ᖃᓄᕐᓗ ᓱᐃᓛᕿᕙᓐᓂᕐᒪᖔᑕ ᐅᒥᐊᕐᔪᐊᒥ ᑲᒪᔨᐅᑉ ᐃᓪᓗᕈᓯᒥᓂᖓᓂ, ᑖᓐᓇᓗ ᑲᒪᔨᐅᑉ ᑐᖏᓕᖓᓄᑦ ᕼᐊᐃᓐᓇᓕ ᑕᓐᑕᔅ ᓕ ᕕᐊᔅᑳᓐᑕᐃᒧᑦ ᐃᓪᓗᕈᓯᒥᓂᐅᓇᓱᒋᔭᐅᔪᖅ. ᑖᒃᑯᐊᓗ ᓇᓂᔭᐅᖃᑕᐅᓪᓗᑎᒃ ᓇᓕᒧᑦᑎᕈᑏᒃ ᐆᑦᑑᑏᒃ, ᓱᕐᕋᐃᑦᑐᖅ ᐆᓇᕐᓂᖅᓯᐅᑦ, ᐃᖃᖅᑎᒐᔭᐅᔭᐅᓪᓗᓂ ᓯᓚᑉᐱᐊᒥᓂᖅ ᐅᖃᓕᒫᒐᕐᒧᑦ, ᐊᒻᒪᓗ ᐃᖅᑲᑦᑕᐅᑦ ᐃᑲᓗᓐᓂᐅᑦ ᐃᐳᓕᒃ ᕿᓪᓕᖅᑐᒥᒃ ᓴᕕᕋᔭᒻᒥᒃ ᐅᔪᒃᑯᐊᒃᑯᕕᓕᒃ.

ᐊᓯᖏᓪᓗ ᓲᕐᓗ ᐃᑎᒐᐅᔭᒥᓂᕐᒧᑦ ᑲᒥᒥᓂᕐᒧᓘᓐᓃᑦ ᐊᓗᒥᓂᖅ, ᐊᓕᒍᐃᑦ, ᐊᒻᒪᓗ ᒪᑐᓯᒪᑦᓯᐊᖅᑐᑦ ᐃᓅᓕᓴᐅᑎᒃᑯᕕᒃ ᐄᖅᑲᒐᑦᓴᓄᑦ ᓇᓂᔭᒥᓃᑦ ᓱᓕᔪᕆᔭᐅᓪᓗᑎᓪᓗ ᐱᖁᑎᒥᓂᐅᒋᐊᖏᓐᓂᒃ ᑳᐱᑕᖓᓄᑦ ᐅᒥᐊᕐᔪᐊᑉ ᓯᑑᕗᒧᑦ ᐃᓂᒥᓂᐅᓱᕆᔭᐅᔪᒥ. ᐱᖁᑎᒥᓂᕐᓂᑦ ᓱᓕ ᕿᓂᓚᐅᕐᒥᔪᑦ ᐃᓂᒥᓂᐅᔾᔭᖒᕆᔭᐅᔪᒥ ᐱᖓᔪᐊᓄᑦ ᑲᒪᔨᐅᔪᒧᑦ ᔭᐃᒻᔅ ᕕᐅᓪᕼᐆᒻᒧᑦ, ᓄᐊᑕᐅᔪᑦ ᖃᐅᔨᒪᔭᐅᓐᖏᑦᑐᑦ ᓱᓇᐅᒻᒪᖔᑕ ᓯᑎᓪᓕᓯᒪᓪᓗᑎᒃ ᐅᔭᕋᕈᖅᓯᒪᔪᑦ ᐊᔾᔨᒐᓚᒋᓪᓗᓂᖏᑦ ᓇᓂᔭᐅᒋᐊᓐᖓᓚᐅᖅᑐᑦ ᐅᔭᕋᕈᕐᓂᑯᐃᑦᑕᐅᖅ ᐱᖁᑎᒥᓃᑦ ᓇᓂᔭᐅᔪᑦ 2022−ᒥ.

ᐱᓕᕆᖃᑎᒌᑦᑐᑦ ᓴᒡᒐᕆᐊᓯᓚᐅᖅᑐᑦ ᐅᒥᐊᕐᔪᐊᒦᑦᑐᑦ ᖁᓕᕈᐊᖁᑎᖓᓂᑦ ᐅᒥᐊᕐᔪᐊᑉ ᓯᕗᐊᓃᑦᑐᒥᓂᕐᒥ, ᐃᓂᒋᒐᔪᑦᑕᖏᓐᓂ ᐅᒥᐊᕐᔪᐊᒦᐅᑕᐅᔪᑦ, ᐊᒥᓱᑦ ᐃᑦᑕᕐᓂᑕᐃᑦ ᐱᖃᑕᐅᓪᓗᑎᒃ ᖁᑭᐅᑎᒥᓃᑦ, ᐅᓇᓕᑦᓴᔭᓄᑦ ᐱᖁᑎᒥᓃᑦ, ᑲᒦᑦ, ᐃᓅᓕᓴᐅᑎᒃᑯᕖᑦ ᐃᖅᑲᕆᐊᓕᓐᓂᑦ, ᐊᒻᒪᓗ ᓴᕕᕋᔭᐃᑦ ᑮᓇᐅᔭᐃᑦ. ᓄᐊᑕᐅᓯᒪᔪᑦ ᓇᓂᔭᐅᓂᑯᐃᑦ ᖃᐅᔨᓴᖅᑕᐅᑲᓐᓂᕈᒫᕐᓂᐊᖅᑐᑦ ᐊᑐᐊᒥ ᐸᐸᒐᑦᓴᐅᔪᓪᓗ ᑲᒪᒋᔭᐅᓗᑎᒃ ᐱᕈᓇᖅᓴᔭᐅᓗᑎᒃ ᐅᑎᖅᑎᑕᐅᖏᓐᓂᖏᓐᓂ ᑕᑯᔭᑦᓴᐅᓂᐊᕐᓗᑎᒃ ᑕᕝᕙᓂ ᓇᑦᑎᓕᒻᒥ ᐅᑦᑐᖅᑲᖃᕐᕕᖓᓂ ᐃᑦᑕᕐᓂᑕᓂᑦ ᐱᓕᕆᕕᒻᒥ ᐅᖅᓱᖅᑑᒥ (ᐅᖅᓱᖅᑑᖅ), ᓄᓇᕗᑦ. ᐃᑦᑕᕐᓂᑕᓕᕆᔩᑦ ᐊᔾᔨᓕᐅᕆᓚᐅᕐᒥᔪᑦ ᑕᐅᓴᖏᓐᓃᑦᑐᓂᑦ ᐊᔾᔨᖑᐊᓂᑦ ᐊᔾᔨᓕᐅᕈᑎᒧᑦ ᐊᔾᔨᙳᐊᓕᐅᕈᑎᑦᓯᐊᕆᑦᑐᒧᑦ ᐊᕙᑎᓕᒫᖓᓂᑦ ᐊᔾᔨᓕᐅᕆᒍᓐᓇᖅᑐᒧᑦ, ᓴᖅᑭᑎᑦᓯᒍᑕᐅᒃᑲᓐᓂᕈᓇᖅᑐᑦ ᑕᒪᒃᑯᐊ ᐊᕙᑎᓕᒫᖓᓂᑦ−ᐊᔾᔨᓕᐅᕆᒍᓐᓇᖅᑐᓂᑦ ᑐᑭᓯᐅᒪᒍᑕᐅᒃᑲᓐᓂᖃᑦᑕᕈᓐᓇᖅᑐᓂᑦ ᖃᓄᖅ ᐃᓂᐅᔫᒃ ᐊᓯᔾᔨᕐᓂᖃᖅᐸᓪᓕᐊᒻᒪᖔᑎᒃ.

ᖃᐅᔨᓴᕐᓂᕐᒧᑦ ᐱᓕᕆᐊᖑᔪᑦ ᐃᓂᖓᓂ ᑯᐃᓐ ᐅᒥᐊᖁᑖᑕ ᐃᕆᐸᔅ (HMS Erebus) ᐃᓱᓕᓚᐅᖅᑐᖅ ᓯᑦᑕᕝᕙ 18−ᒥ ᐱᓕᕆᔪᓪᓗ, ᑕᕝᕙᓂ ᖃᐅᔨᓴᖅᑐᑦ ᐅᒥᐊᕐᔪᐊᖓᓂ ᑕᐃᕕᑦ ᑖᒻᓴᓐᒥ ᐊᒻᒪᓗ ᕿᓂᖅᑎᕐᔪᐊᒥᒃ (ᐅᓯᑲᑦᑕᐅᑦ ᓄᐊᑕᐅᓯᒪᔪᓂᑦ), ᐅᑎᓚᐅᖅᑐᑦ ᐅᖅᓱᖅᑑᒧᑦ ᓯᑦᑕᕝᕙ 20−ᐅᑎᓪᓗᒍ. ᖃᐅᔨᓴᖅᑐᓕᕆᔩᑦ ᐅᐸᒍᑎᑲᐅᖅᑐᑲᐃᓐᓇᓚᐅᕐᒥᔪᑦ ᑕᕝᕗᖓ ᐅᒦᔭᕐᓂᑯᒥᓂᕐᒧᑦ ᑯᐃᓐ ᐅᒥᐊᖁᑖᓄᑦ ᑎᐅᕈᒧᑦ (HMS Terror) ᐋᖅᑮᓪᓗᑎᒃ ᐊᐅᓚᑕᐅᔪᓐᓇᖅᑐᒥᑦ ᐅᐊᔭᒨᖅᑐᓄᑦ ᖃᐅᔨᒐᓱᐊᕈᑕᐅᒍᓐᓇᖅᑐᒥᑦ ᓂᐱᓕᐅᕈᑎᒃᑯᑦ, ᐊᑐᖅᑐᑎᒃ ᐅᒥᐊᕐᔪᐊᑉ ᐊᕙᑖ ᕿᓐᖑᐊᖅᑕᐅᓯᒪᒍᓐᓇᖁᓪᓗᒍ−ᐅᖓᓯᑦᑐᒥᑦ ᐃᖅᑲᓂᓪᓗ ᖃᐅᔨᓴᕈᑕᐅᒍᓐᓇᖅᑐᒥᑦ. ᑕᒪᑐᒪ ᐱᓕᕆᐊᖑᓂᖓ ᐱᖃᓯᐅᔾᔨᒋᐊᖃᓚᐅᖅᑐᖅ ᕿᓐᖑᒻᒥᒐᖅᑕᐅᖁᓪᓗᒍ ᐅᒦᔭᕐᓂᖁᒥᓂᐅᑉ ᐊᕙᑖ ᑖᓐᓇ ᐊᔾᔨᓕᐅᖅᑕᐅᖁᓪᓗᒍ ᐅᒥᐊᕐᔪᐊᒥᓂᐅᑉ ᖃᓄᐃᓕᖓᓂᖓ ᓯᕕᑦᑐᕆᐊᖅᑕᐅᖁᓪᓗᒍᓗ ᓄᓇᓐᖑᐊᑎᒍᑦ ᐊᔾᔨᓐᖑᐊᖓ ᐅᒥᐊᕐᔪᐊᒥᓂᐅᑉ ᖂᑭᓐᓂᖓᒍᑦ ᐊᖅᑯᑎᒥᓂᖓ ᑎᑎᕋᖅᑕᐅᓯᒪᖏᒻᒪᑦ ᐅᐸᑦᑕᐅᓯᒪᓇᓂᓗ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᒪᑐᐃᖓᑎᑦᓯᓚᐅᖅᐳᑦ ᐅᐸᑦᑕᐅᔪᓐᓇᖅᑐᑎᒃ ᓇᑦᑎᓕᒃ ᐅᑦᑐᖅᑲᖃᕐᕕᖓᓂ ᐃᑦᑕᕐᓂᑕᓕᕆᓂᕐᒧᑦ ᐱᓕᕆᕕᖓᓂ ᐅᓂᒃᑳᕈᒪᓪᓗᑎᒃ ᓄᓇᖃᖅᑐᓄᑦ ᓯᑦᑕᕝᕙ 21−ᖑᑎᓪᓗᒍ ᐅᓂᒃᑳᕆᔭᐅᓪᓗᑎᒃ ᐃᓚᖏᑦ 2023−ᒥ ᖃᐅᔨᔭᐅᓂᑯᐃᑦ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑲᔪᓯᑎᑦᓯᕗᑦ ᐃᖅᑲᓇᐃᔭᖃᑎᖃᕐᓂᕐᒥᒃ ᓇᑦᑎᓕᒃ ᐅᑦᑐᖅᑲᖃᕐᕕᖓᓂ ᐃᑦᑕᕐᓂᑕᓕᕆᓂᕐᒧᑦ ᑲᑐᔾᔨᖃᑎᒌᖏᓐᓂᒃ ᐅᒦᔭᕐᕕᒥᓃᓪᓗ ᓇᐅᑦᓯᑐᖅᑕᐅᓂᖏᑦ ᐱᓕᕆᐊᖑᐃᓐᓇᖁᓪᓗᒋᑦ ᐊᔾᔨᒌᖏᑦᑑᓪᓗᑎᓪᓗ ᐱᒋᐊᖅᑎᑕᐅᓯᒪᔪᑦ, ᐱᖃᓯᐅᑎᓪᓗᒋᑦ ᐊᔾᔨᓕᐅᕈᑎᒃᑯᑦ ᖃᐅᔨᓴᖅᑕᐅᖏᓐᓇᕐᓂᐊᕐᓂᖓ ᐃᓂᐅᔫᒃ ᐊᐅᔭᐅᓂᖓᓂ ᐱᓱᑦᑎᓂᓪᓗ ᐆᒪᔪᓂᑦ ᐃᑦᑕᕐᓂᑕᓕᕆᓂᕐᒥ ᖃᐅᔨᓴᖅᑐᓕᕆᓂᒃᑯᑦ ᐱᓕᕆᖃᑎᖃᖅᓱᑎᒃ ᐃᓄᐃᑦ ᐱᖁᑎᖏᓐᓂ ᓇᐅᑦᓯᑐᖅᑎᖏᓐᓂᑦ ᐃᑦᑕᕐᓂᑕᐅᔪᓂᑦ.

ᐅᒦᔭᖅᑐᒥᓃᒃ ᑖᒃᑯᐊ ᑯᐃᓐ ᐅᒥᐊᖁᑖ ᐃᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈ (HMS Terror) ᑲᓇᑕᒥ ᐃᑦᑕᕐᓂᑕᓕᕆᔩᑦ ᐃᓂᖏᓐᓂᑦ ᑲᑐᔾᔨᖃᑎᒌᒍᑕᐅᓪᓗᑎᒃ−ᐊᐅᓚᑕᐅᔫᒃ ᑖᒃᑯᓄᖓ ᒥᕐᖑᐃᓯᕕᓕᕆᔨᒃᑯᓐᓄᑦ ᑲᓇᑕᒥ ᐊᒻᒪᓗ ᓇᑦᑎᓕᒃ ᐅᑦᑐᖅᑲᖃᕕᐅᑉ ᐃᑦᑕᕐᓂᑕᓕᕆᓂᕐᒥ ᑲᑐᔾᔨᖃᑎᒌᖏᓐᓄᑦ.

ᐊᔾᔩᑦ

ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᓕᕆᖃᑎᒌᖏᓐᓄᑦ ᐅᐊᔭᒨᖅᑐᓕᕆᔨ ᑖᑦ ᓯᑕᐃᑲᓐᕕᑭᐊᔅ ᐅᑎᖅᑐᖅ ᐊᖅᑲᐅᒪᔫᖅᑏᑦ ᐲᔭᐃᕙᑦᑐᓄᓪᓗ ᐅᓯᑲᑦᑕᐅᑎᖓᓄᑦ ᕿᓂᖅᑎᕐᔪᐊᒧᑦ ᐊᖅᑲᐅᒪᓚᐅᖅᑐᓂ ᓇᓛᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᑕᑯᑦᓴᐅᖃᑕᐅᓪᓗᓂ RV ᑕᐃᕕᑦ ᑖᒻᓴᓐ ᐅᒥᐊᕐᔪᐊᖅ, ᓯᑦᑕᕝᕙ 6, 2023.
ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᓕᕆᖃᑎᒌᖏᓐᓄᑦ ᐅᐊᔭᒨᖅᑐᓕᕆᔨ ᑖᑦ ᓯᑕᐃᑲᓐᕕᑭᐊᔅ ᐅᑎᖅᑐᖅ ᐊᖅᑲᐅᒪᔫᖅᑏᑦ ᐲᔭᐃᕙᑦᑐᓄᓪᓗ ᐅᓯᑲᑦᑕᐅᑎᖓᓄᑦ ᕿᓂᖅᑎᕐᔪᐊᒧᑦ ᐊᖅᑲᐅᒪᓚᐅᖅᑐᓂ ᓇᓛᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᑕᑯᑦᓴᐅᖃᑕᐅᓪᓗᓂ RV ᑕᐃᕕᑦ ᑖᒻᓴᓐ ᐅᒥᐊᕐᔪᐊᖅ, ᓯᑦᑕᕝᕙ 6, 2023.
ᐊᔾᔨᓕᐅᒐᖓ: ᕗᕋᑦ ᓰᒧᐊᑉ / ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ
ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᓵᕈᔅ ᑖᒡᓅ ᖃᐅᔨᓴᖅᑐᖅ ᔭᕐᕋᕐᒥᒃ ᑐᒥᐅᔭᒥᑦ ᓇᓂᔭᒥᓂᕐᒥᒃ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒦᔭᕐᓂᑯᒥᓂᕐᒥ ᑯᐃᓐ ᐅᒥᐊᖁᑖᓂ ᐃᕆᐸᔅᒥ (HMS Erebus), ᖃᐅᔨᓴᕐᕕᖓᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᖅᑲᐅᒪᔫᖅᑏᑦ ᓇᓂᔭᐅᔪᓪᓗ ᐅᓯᑲᑦᑕᐅᑎᖓᓂ ᕿᓂᖅᑎᕐᔪᐊᒥ, ᓯᑦᑕᕝᕙr 17, 2023.
ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᓵᕈᔅ ᑖᒡᓅ ᖃᐅᔨᓴᖅᑐᖅ ᔭᕐᕋᕐᒥᒃ ᑐᒥᐅᔭᒥᑦ ᓇᓂᔭᒥᓂᕐᒥᒃ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒦᔭᕐᓂᑯᒥᓂᕐᒥ ᑯᐃᓐ ᐅᒥᐊᖁᑖᓂ ᐃᕆᐸᔅᒥ (HMS Erebus), ᖃᐅᔨᓴᕐᕕᖓᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᖅᑲᐅᒪᔫᖅᑏᑦ ᓇᓂᔭᐅᔪᓪᓗ ᐅᓯᑲᑦᑕᐅᑎᖓᓂ ᕿᓂᖅᑎᕐᔪᐊᒥ, ᓯᑦᑕᕝᕙr 17, 2023.
ᐊᔾᔨᓕᐅᒐᖓ: ᕗᕋᑦ ᓰᒧᐊᑉ / ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ

ᐃᖅᑲᑦᑕᐅᑦ ᐃᑲᓗᓐᓂᐅᑦ ᓇᓂᔭᐅᔪᖅ ᐃᓪᓘᔭᒥᓂᖓᓂᐅᓱᕆᔭᐅᔪᒥ ᐊᐃᑉᐸᖓᓄᑦ ᓘᑕᓇᑦ ᕼᐊᐃᓐᓇᓕ ᑕᓐᑕᔅ ᓕ ᕕᐊᔅᑳᓐᑕᐃᒧᑦ ᐊᑖᓂ ᐅᒥᐊᕐᔪᐊᑉ ᑯᐃᓐ ᐅᒥᐊᖁᑖᓂ ᐃᕆᐸᔅᒥ (HMS Erebus), ᓯᑦᑕᕝᕙ 17, 2023.
ᐃᖅᑲᑦᑕᐅᑦ ᐃᑲᓗᓐᓂᐅᑦ ᓇᓂᔭᐅᔪᖅ ᐃᓪᓘᔭᒥᓂᖓᓂᐅᓱᕆᔭᐅᔪᒥ ᐊᐃᑉᐸᖓᓄᑦ ᓘᑕᓇᑦ ᕼᐊᐃᓐᓇᓕ ᑕᓐᑕᔅ ᓕ ᕕᐊᔅᑳᓐᑕᐃᒧᑦ ᐊᑖᓂ ᐅᒥᐊᕐᔪᐊᑉ ᑯᐃᓐ ᐅᒥᐊᖁᑖᓂ ᐃᕆᐸᔅᒥ (HMS Erebus), ᓯᑦᑕᕝᕙ 17, 2023.
ᐊᔾᔨᓕᐅᒐᖓ: ᕗᕋᑦ ᓰᒧᐊᑉ / ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ
ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᒫᒃ−ᐋᓐᑐᕋᐃ ᕘᓂᐊᐃ ᑲᒪᑦᓯᐊᒻᒪᕆᑦᑐᓂ ᐲᔭᐃᔪᖅ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒥᐊᕐᔪᐊᑉ ᓯᕗᐊᓂ (ᐅᒥᐊᕐᔪᐊᒦᑦᑐᓄᑦ ᐃᓂᐅᕙᑦᑐᒥᓂᕐᒥ) ᐊᑖᓂ ᐅᒥᐊᕐᔪᐊᑉ ᑕᕝᕙᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᓯᑦᑕᕝᕙ 17, 2023.
ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᒫᒃ−ᐋᓐᑐᕋᐃ ᕘᓂᐊᐃ ᑲᒪᑦᓯᐊᒻᒪᕆᑦᑐᓂ ᐲᔭᐃᔪᖅ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒥᐊᕐᔪᐊᑉ ᓯᕗᐊᓂ (ᐅᒥᐊᕐᔪᐊᒦᑦᑐᓄᑦ ᐃᓂᐅᕙᑦᑐᒥᓂᕐᒥ) ᐊᑖᓂ ᐅᒥᐊᕐᔪᐊᑉ ᑕᕝᕙᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᓯᑦᑕᕝᕙ 17, 2023.
ᐊᔾᔨᓕᐅᒐᖓ: ᕗᕋᑦ ᓰᒧᐊᑉ / ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ

ᐅᖃᐅᓯᐅᓯᒪᔪᑦ

“ᕗᕌᓐᑭᓕᓐ ᐅᒥᐊᕐᔪᐊᑉ ᐃᖏᕐᕋᓂᒥᓂᖓ ᖃᓄᐃᓐᓂᕐᒪᖔᖅ ᓇᓗᒋᔭᐅᖏᓐᓇᖃᑦᑕᖅᓯᒪᔪᖅ ᐊᓪᓛᑦ 1900 ᐊᑐᖅᑎᓪᓗᒋᑦ. ᑭᓯᐊᓂᓕ, ᖁᔭᓇᖅᐳᖅ ᐱᒻᒪᕆᖁᑎᒋᔭᐅᔪᓂᑦ ᐃᖅᑲᓇᔮᖃᖅᓯᒪᓂᖏᑦ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐊᒻᒪᓗ ᐃᓄᐃᑦ ᑕᒪᑦᓱᒧᖓ ᐱᓕᕆᖃᑕᐅᔪᑦ, ᖃᐅᔨᔭᐅᕙᓪᓕᐊᒻᒪᑕ ᑕᒪᑦᓱᒧᖓ ᓇᓗᓇᖅᓯᒪᔪᒧᑦ ᓱᖅᑯᐃᖅᓯᒍᑕᐅᕙᓪᓕᐊᔪᑦ ᑐᑭᓯᐅᒪᒍᑎᒋᓂᐊᕋᑦᑎᒍ ᑕᐸᐃᕐᓇᑐᓪᓗ ᐊᑐᖅᑕᐅᓯᒪᔪᑦ ᑕᒪᑦᓱᒧᖓ ᐃᖏᕐᕋᓂᒥᓂᐅᔪᒧᑦ.”

ᐊᖓᔪᖅᑳᖅ ᒪᓕᒐᓕᐅᖅᑎ ᓯᑏᕙᓐ ᒍᐃᓪᐴᑦ
ᒪᓕᒐᓕᐅᖅᑎ ᐊᕙᑎᓕᕆᓂᕐᒧᑦ ᓯᓚᐅᓪᓗ ᐊᓯᔾᔨᕐᓂᖓᓄᑦ ᒥᓂᔅᑕᕆᔭᐅᓪᓗᓂᓗ ᑲᒪᒋᔭᓕᒃ ᒥᕐᖑᐃᓯᕕᓕᕆᔨᖏᓐᓂᑦ ᑲᓇᑕᒥ

"ᐱᓕᒻᒪᕆᓚᐅᖅᑎᓪᓗᒋᑦ ᐊᐅᔭᐅᓂᖓᓂ ᕗᕌᖕᑭᓕᓐ ᐅᒥᐊᕐᔪᐊᒥᓂᖓᓂᑦ, ᓇᑦᑎᓕᒃ ᐅᑦᑐᖅᑲᖃᕐᕕᖓᑕ ᑲᑐᔾᔨᖃᑎᒌᑦ, ᐸᖅᑭᔩᑦ ᐱᓕᕆᔨᖏᓐᓄᑦ, ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᔨᖏᑦ ᐃᓕᑕᕆᔭᐅᑦᑎᐊᕆᐊᖃᖅᐳᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑎᖏᓐᓄᑦ. ᖁᕕᐊᓱᒃᑐᒍᑦ ᑕᑯᔭᕆᐊᒃᓴᖅ ᓗᐃ ᖃᒧᒃᑳᑉ ᐱᓕᕆᐊᖓᓂᒃ ᐱᕙᓪᓕᐊᑎᑦᑏᓐᓇᕐᓂᖓᓂᒃ ᐱᓕᕆᐊᖏᓪᓗ ᐃᓄᐃᑦ ᐱᕈᖅᐸᓪᓕᐊᖏᓐᓇᖁᓪᓗᒋᑦ."

ᕗᐃᓕᐊᒻ ᐱᐊᕗᕆᔾ
ᐊᐅᓚᑦᓯᔨ ᑐᑭᒧᐊᑦᑎᑦᓯᔨ, ᐃᓄᐃᑦ ᐱᖁᑎᖏᓐᓂᑦ ᓇᐅᑦᓯᑐᖅᑏᑦ ᐱᓕᕆᕕᖓᓂ

“ᕿᑎᕐᒥᐅ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᒋᔭᖃᖅᐳᑦ ᐃᖅᑳᓂ ᐃᑦᑕᕐᓂᑕᓕᕆᔩᑦ ᑲᔪᓯᓂᖃᑦᓯᐊᓚᐅᕐᒪᑕ ᐊᑦᑕᓇᖅᑐᒦᓐᓂᕋᑎᓪᓗ ᐅᒦᔭᕐᕕᒥᓂᐅᔪᒥ ᑖᒃᑯᓄᖓ ᑯᐃᓐ ᐅᒥᐊᖁᑖᓄᑦ ᐃᐅᕆᐸᔅᒧᑦ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖᓄᑦ ᑎᐅᕈᒧᑦ (HMS Terror) ᑲᓇᑕᒥ ᐃᖅᑲᕐᓂᑕᖃᕐᕖᒃ ᐃᓂᖏᓐᓂ. ᐊᑎᓕᐅᕈᑕᐅᕋᑖᓚᐅᕐᒪᑦ ᐃᓄᐃᑦ ᐊᑦᑐᖅᑕᐅᓂᖅᐸᑕ ᐃᑲᔪᖅᑕᐅᒍᑎᐅᔪᓐᓇᖅᑐᓪᓗ ᐊᖏᖃᑎᒌᒍᑎᖓᑕ, ᑲᔪᖏᑦᓯᐊᖅᐳᒍᑦ ᐃᓄᐃᑦ ᐊᒻᒪᓗ ᒥᕐᖑᐃᓯᕕᓕᕆᔩᑦ ᑲᓇᑕᒥ ᐃᖅᑲᓇᐃᔭᖃᑎᒋᑦᓯᐊᕈᒪᓪᓗᒋᑦ ᖃᐅᔨᔭᐅᑦᑎᐊᖁᓪᓗᒋᑦ ᐃᑦᑕᕐᓂᑕᐃᑦ ᐅᓂᒃᑳᖑᑎᓪᓗᒋᑦ ᑖᒃᑯᓄᖓ."

ᕌᐳᑦ ᒍᕇᓐᓕ
ᐊᖓᔪᖅᑳᖅ, ᕿᑎᕐᒥᐅ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ

“ᓇᑦᑎᓕᒃ ᐅᑦᑐᖅᑲᖃᕕᖏᑕ ᐃᑦᑕᕐᓂᑕᓕᕆᓂᕐᒥᑦ ᑲᑐᔾᔨᖃᑎᒌᖏᑦ ᐃᓕᑕᖅᓯᕗᑦ ᐅᒦᔭᕐᓂᑯᒥᓃᒃ ᓇᐅᑦᓯᖅᑐᖅᑕᐅᓂᖏᓐᓄᑦ ᐱᓕᕆᓂᐅᔪᒥ ᐊᖏᖅᓯᒪᓂᖃᖅᓱᑎᒃ ᐃᖅᑲᓇᐃᔭᖃᑎᖃᕐᒪᑕ ᐅᕙᑦᑎᓐᓂᑦ, ᐃᓄᐃᑦ ᐱᖁᑎᖏᓐᓂᑦ ᓇᐅᑦᓯᑐᖅᑎᖏᓐᓂᑦ ᒥᕐᖑᐃᓯᕕᓕᕆᔨᒃᑯᓂᓪᓗ ᑲᓇᑕᒥ. ᐊᐅᔭᖓᓂ 2023 ᑲᔪᓯᑦᓯᐊᓚᐅᖅᐳᖅ ᓇᐅᑦᓯᑐᕐᓂᕐᒧᑦ ᐱᓕᕆᐊᖑᔪᖅ, ᓯᕗᓂᑦᑎᓐᓂᓗ ᕿᓚᓈᕈᑎᖏᕙᕗᑦ ᑲᑐᔾᔨᖃᑎᒌᓛᕐᓂᕗᑦ ᐃᖅᑲᓇᐃᔮᕆᓗᒍ ᑭᖑᓖᑦ ᐱᓕᕆᐊᖑᒍᒪᔪᑦ ᐅᒦᔭᕐᕕᒥᓃᑦ ᐃᓂᖏᓐᓂ."

ᐲᑕ ᐊᒃᑭᒃᑯᖕᓇᖅ
ᑐᖏᓕᐊ ᐊᖓᔪᖅᑳᖅᑉ, ᓇᑦᑎᓕᒃ ᐅᑦᑐᖅᑲᖃᕐᕕᐅᑉ ᑲᑐᔾᔨᖃᑎᒌᓄᑦ
ᔪᖅᑳᖅ, ᕿᑎᕐᒥᐅ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ

“ᑲᔪᓯᑎᑕᐅᑦᓯᐊᖅᓱᓂ ᐊᓂᒍᖅᑎᑕᐅᑦᓯᐊᕆᕗᖅ ᐃᖅᑲᓇᐃᔮᖑᓚᐅᖅᑐᖅ ᒥᕐᖑᐃᖅᓯᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨᖏᓐᓄᑦ. ᓄᐊᑦᓯᕕᐅᓪᓗᓂ ᐃᑦᑕᕐᓂᑕᓂᑦ ᐅᒦᔭᕐᕕᒥᓂᐅᔫᓐᓂ ᐊᒻᒪᓗ ᐊᔾᔨᙳᐊᑦᓯᐊᕙᓂᒃ ᐊᔾᔨᓕᐅᕆᓚᐅᕐᒪᑕ−ᐅᓪᓗᒥᓯᐅᑎᓂᑦ ᐊᑐᓕᖅᑐᓂᑦ ᑕᑯᔭᐅᓂᐊᕐᒪᑕ ᓄᓇᕐᔪᐊᒥ ᖃᓄᖅ ᐃᓅᓚᐅᕐᒪᖔᑕ ᐅᒥᐊᕐᔪᐊᒦᓚᐅᖅᑐᑦ ᐃᑲᔪᖅᑎᖏᓪᓗ ᐅᒥᕐᔪᐊᑦ ᐃᖏᕐᕋᓂᒥᓂᖏᓐᓂᒃ."

ᕌᓐ ᕼᐊᓪᒪᓐ
ᐊᖓᔪᖅᑳᖅ ᐊᒻᒪᓗ ᐊᐅᓚᑦᓯᔨᒻᒪᕆᒃ ᒥᕐᖑᐃᓯᕕᓕᕆᔨᒃᑯᓐᓄᑦ ᑲᓇᑕᒥ

ᑐᑭᓕᐅᕐᓯᒪᖃᑕᔪᑦ

  • ᒥᕐᖑᐃᓯᕕᓕᕆᔨᒃᑯᓐᓂᑦ ᑲᓇᑕᒥ ᐊᐅᓚᑦᓯᔨᓪᓗᐊᑕᐅᕗᑦ ᐱᖅᑯᓯᕐᒨᖓᔪᓂᑦ ᐊᐅᓚᑦᑎᔨᐅᓪᓗᑎᒃ ᑎᒥᖁᑕᐅᔪᓂᑦ ᑲᓇᑕᒥ ᒐᕙᒪᐅᔪᓂᓗ ᑲᓇᑕᒥ ᓯᕗᒃᑲᑕᖅᓱᑎᒃ ᑲᒪᒋᔭᐅᔪᓄᑦ ᐱᓕᕆᐊᖑᔪᓄᓪᓗ ᑐᕌᖓᔪᓄᑦ ᐱᕙᓪᓕᐊᑎᑦᓯᓂᕐᒥᒃ ᐊᒻᒪᓗ ᐃᑦᑕᕐᓂᑕᓕᕆᓂᕐᒧᑦ ᑐᕌᖓᔪᓄᑦ.
  • ᐱᓕᕆᖃᑎᖃᖅᓱᑎᒃ ᐊᒥᓱᓂᑦ ᓄᓇᖃᖅᑳᖅᓯᒪᔪᓂᑦ ᑲᑐᔾᔨᖃᑎᒌᑦᑐᓂᑦ ᑲᓇᑕᒥ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᓕᕆᖃᑕᐅᕗᑦ ᓴᐳᔾᔨᓂᕐᒥᒃ ᓄᓇᒥ ᐊᑐᕈᓐᓇᖅᑐᓂᑦ ᐊᒻᒪᓗ ᐱᖅᑯᓯᓕᕆᓂᕐᒨᖓᔪᓂᑦ ᐅᓂᒃᑳᖃᑦᑕᖅᓱᑎᓪᓗ ᐅᓂᒃᑳᖑᒋᐊᓕᓐᓂᑦ ᐱᓐᓇᕆᔭᐅᔪᓂ ᐃᓂᐅᔪᓂ, ᐱᖃᑕᐅᓪᓗᑎᒃ ᐅᒥᔭᕐᓂᒥᓂᖏᒃ ᑯᐃᓐ ᐅᒥᐊᖁᑖ ᐃᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈ (HMS Terror).
  • ᑖᒃᑯᐊ ᓇᑦᑎᓕᒃ ᐅᑦᑐᖅᑲᖃᕖᖓᑕ ᐃᑦᑕᕐᓂᑕᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐊᐅᓚᑦᓯᕙᑦᑐᑦ ᐅᒦᔭᕐᕕᒥᓃᒃ ᓇᐅᑦᓯᑐᖅᑕᐅᓂᖓᑕ ᐱᓕᕆᐊᖑᓂᖓᓂᑦ ᐊᒻᒪᓗ ᓇᑦᑎᓕᒃ ᐅᑦᑐᖅᑲᖃᕖᖓᑕ ᐃᑦᑕᕐᓂᑕᓕᕆᕕᖓ ᐊᖏᓪᓕᖏᐊᖅᑕᐅᖁᓪᓗᒍ ᐱᓕᕆᐊᖑᔪᓄᑦ ᓇᔪᒐᖃᑦᐊᑦᓯᐊᖁᓪᓗᖏᑦ ᓄᑖᒧᑦ ᑕᑯᔭᒐᖃᕐᕕᒻᒥ 2025−ᒥ.
  • ᓄᐊᑕᐅᓯᒪᔪᑦ ᐃᑦᑕᕐᓂᑕᐃᑦ ᑕᕝᕙᖓᑦ ᕗᕌᓐᑭᓕᓐ ᐃᖏᕐᕋᓂᒥᓂᖓᓂᑦ ᑲᑐᔾᔨᖃᑎᒌᒍᑕᐅᓪᓗᓂ−ᓇᒻᒥᓂᕆᔭᐅᕗᖅ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐊᒻᒪᓗ ᐃᓄᐃᑦ ᐱᖁᑎᖏᓐᓂ ᓇᐅᑦᑎᖅᓱᖅᑎᖏᓐᓄᑦ.
  • ᑭᖑᓂᖓᓂ ᐊᑐᖅᑕᐅᓚᐅᖅᑐᒥᓃᑦ ᑖᒃᑯᓄᖓ ᑯᐃᓐ ᐅᒥᐊᖁᑖᓄᑦ ᐃᕆᐸᔅᒧᑦ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖᓄᑦ ᑎᐅᕈᒧᑦ (HMS Terror) ᐅᒦᔭᓚᐅᕐᓂᑰᓐᓄᑦ.
  • ᐃᑦᑕᕐᓂᑕᒥᓃᑦ ᑐᓂᔭᐅᓚᐅᖅᑎᓪᓗᒋᒃ ᑯᐃᓐ ᐅᒥᐊᖁᑖ ᐃᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈ (HMS Terror) ᐅᒦᔭᕐᓂᑯᒥᓂᖏᒃ ᑲᓇᑕᒧᑦ ᔪᓇᐃᑎᑦ ᑭᖕᑕᒻᑯᓐᓄᑦ (United Kingdom) 2018−ᒥ, ᒥᕐᖑᐃᓯᕕᓕᕆᔨᒃᑯᑦ ᑲᓇᑕᒥ ᓄᖅᑎᖅᑎᑦᓯᓂᐊᖅᑐᑦ ᖃᐅᔨᓴᖅᑕᐅᓂᐊᖅᑐᓂᑦ ᐆᑦᑐᕈᑕᐅᓗᑎᒃ ᑯᐃᓐ ᐅᒥᐊᖁᑖ ᐃᕆᐸᔅᒥᑦ (HMS Erebus) ᐱᓯᒪᔪᓂᑦ ᐱᖁᑎᑐᖃᕐᓂᒃ ᑲᓇᑕᒥ ᑕᑯᔭᒐᖃᕐᕕᖓᓄᑦ ᕈᐃᐅᓪ ᓇᐃᕕᒃᑯᓐᓄᑦ (Royal Navy) ᐱᒋᐊᕐᓗᑎᒃ 2024−ᖑᓕᖅᐸᑦ. ᑖᒃᑯᐊ ᐱᖁᑎᑐᖃᕕᓃᑦ, ᐃᓚᐅᓪᓗᑎᒃ ᐅᒥᐊᕐᔪᐊᑉ ᓯᕙᓂᖅᑎᕈᑎᒥᓂᖓ ᖃᖅᑎᑦᓯᔾᒧᑎᒥᓂᖓ, ᐱᔭᐅᓚᐅᖅᑐᑦ ᔪᓇᐃᑎᑦ ᑭᖕᑕᒻᑯᓐᓄᑦ (United Kingdom) ᑭᒡᒐᖅᑐᐃᖃᑕᐅᓗᑎᒃ ᖃᐅᔨᓴᒐᒃᓴᖏᓐᓂᑦ.
  • ᒫᑦᓯ 2, 2023−ᖑᑎᓪᓗᒍ, ᒐᕙᒪᒃᑯᑦ ᑲᓇᑕᒥ ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑎᓕᐅᕈᑎᖃᓚᐅᖅᑐᑦ $23−ᒥᓕᐊᓂᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐊᒻᒪᓗ ᐃᑲᔫᑎᓄᑦ ᐊᖏᖃᑎᒌᒍᑎᒃᑯᑦ ᐱᔾᔪᑎᒋᓪᓗᒋᒃ ᐅᒦᔭᕐᓂᑯᒥᓂᖏᒃ ᑯᐃᓐ ᐅᒥᐊᖁᑖ ᐃᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈ (HMS Terror) ᑲᓇᑕᒥ ᐃᑦᑕᕐᓂᑕᖃᕐᕖᑦ ᐃᓂᒋᔭᖏᒃ. ᑖᓐᓇ ᐊᖏᖃᑎᒌᒍᑦ ᓄᑖᒥᑦ ᐊᑐᕋᑦᓴᒥᑦ ᐋᖅᑭᑦᓯᒍᑕᐅᓯᒪᕗᖅ ᑲᑐᔾᔨᖃᑎᒌᓐᓂᒃᑯᑦ ᐱᓕᕆᖃᑎᒌᖕᓂᕐᒧᑦ ᐃᑲᔪᖅᑐᐃᒍᑕᐅᓪᓗᓂᓗ ᒪᑭᒪᔾᔪᑎᓄᑦ ᐱᕙᓪᓕᐊᑎᑦᓯᓂᕐᒥᒃ ᐃᓄᖕᓄᑦ ᐅᖅᓱᖅᑑᒥ ᐊᒻᒪᓗ ᐃᖃᓗᑦᑑᑦᓯᐊᒥ.
  • ᓯᑕᓐᑎᐊᒃᑯᑦ, ᓄᓇᕐᔪᐊᒥ ᓯᕗᓕᖅᑐᑦ ᑎᑎᖅᑐᒐᕐᓂᕐᒧᑦ ᓴᓇᔪᓕᕆᓂᕐᒧᓪᓗ, ᐅᐊᔭᒨᖅᑐᓕᕆᓂᕐᒥ ᐊᒻᒪᓗ ᓯᓚᕈᔪᑦᓯᐅᕈᓐᓇᖅᑐᒥᒃ ᐊᑐᕋᑦᓴᒥᒃ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ. ᑕᒪᓐᓇ ᖃᐅᔨᓴᖅᑐᓕᕆᓂᖅ ᐃᑲᔪᖅᓯᓂᐊᖅᐳᖅ ᒥᕐᖑᐃᓯᕕᓕᕆᔨᒃᑯᓐᓂᒃ ᑲᓇᑕᒥ ᑐᑭᓯᐅᒪᓂᐊᕐᒪᑕ ᓯᓚᐅᑉ ᐊᓯᔾᔨᕐᓂᖓᓄᑦ−ᑐᕌᖓᔪᓂᒃ ᓱᕋᑦᑕᐅᕙᓪᓕᐊᒻᒪᖔᑕ ᐅᒦᔭᕐᓂᑯᒥᓃᓐᓂᒃ ᑯᐃᓐ ᐅᒥᐊᖁᑖ ᐃᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈ (HMS Terror) ᖃᓄᕐᓗ ᒥᑭᓪᓕᕚᓪᓕᖅᓯᒪᒍᓐᓇᕐᒪᖔᑕ ᖃᓄᐃᓕᓂᐅᒍᓐᓇᖅᑐᓂᑦ ᑭᖒᒪᔭᐅᑐᐃᓐᓇᕆᐊᓕᓐᓄᑦ.

ᐊᑦᑐᐊᔪᑦ ᑲᓱᕐᕕᐅᔪᓐᓇᖅᑐᑦ


- 30 -

ᖃᐅᔨᒋᐊᕐᕕᑦᓴᐃᑦ

ᑲᐃᑦᓕᓐ ᐸᐅᕗ
ᑐᓴᕋᑦᓴᓕᕆᓂᕐᒧᑦ ᑎᑎᕋᖅᑎ
ᐊᓪᓚᕝᕕᖃᕐᕕᖓ ᒥᓂᔅᑕᐅᑉ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᓄᑦ
819-230-1557
kaitlin.power@ec.gc.ca

ᑐᓴᕋᑦᓴᓕᕆᔩᑦ
ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ
855-862-1812
pc.media@pc.gc.ca

Date modified :