ᐱᕙᓪᓕᐊᔪᑦ ᓴᖅᑭᖅᑕᐅᔪᑦ

ᓴᖅᑭᑲᐅᑎᒋᔭᕆᐊᓕᒃ

ᒥᕐᖑᐃᕐᓯᕐᕕᓕᕆᔩᑦ ᑲᓇᑕᒥ ᐅᑎᕐᓂᐊᓕᖅᑐᑦ ᕗᕌᓐᖏᓕᓐ ᖃᐅᔨᓇᓱᐊᕐᕕᒥᓂᖏᑕ ᐃᓂᖏᓐᓄᑦ ᐅᑭᐅᒃ ᒪᕐᕉᒃ ᐅᖓᕙᕆᐊᖅᑕᐅᖃᑦᑕᓚᐅᖅᑎᓪᓗᒋᒃ

ᐸᓐᓇᐅᑏᑦ ᐃᓚᖃᖅᑐᑦ ᓄᓇᙳᐊᓕᐅᕐᓗᑎᒃ ᖃᐅᔨᓇᓱᕐᓗᑎᓪᓗ ᒫᓐᓇᐅᔪᖅ ᖃᓄᐃᓕᖓᓕᕐᒪᖔᑕ ᑯᐃᓐ ᐅᒥᐊᕐᔪᐊᖓ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᐅᒦᔭᕐᕕᒥᓂᒃ

ᓇᓂᔭᐅᓚᐅᖅᑎᓪᓗᒋᑦ ᕗᕌᓐᖏᓕᓐ ᖃᐅᔨᓇᓱᐊᕐᕕᒥᓂᖏᑕ ᐃᓂᖏᒃ ᐅᒥᐊᕐᔪᐊᑦ ᐅᒦᔭᕐᕕᒥᓂᖏᑦ ᐅᖃᐅᓯᖃᕐᒪᑕ ᑐᓴᕈᒥᓇᖅᑐᒥᒃ ᐅᓂᒃᑳᒥᒃ ᐊᓂᒍᖅᓯᒪᔪᒥᒃ. ᖃᐅᔨᓴᕐᓂᕐᒧᑦ ᐊᒻᒪᓗ ᐊᓯᐅᑎᑦᑎᑦᑕᐃᓕᒪᓂᕐᒧᑦ ᐱᓕᕆᐊᑦ ᐃᓂᖏᔭᖏᓐᓂ ᐅᕙᑦᑎᓐᓄᑦ ᐃᑲᔫᑎᖃᓲᖑᒋᕗᖅ ᑐᑭᓯᐅᒪᖁᓪᓗᑕ ᐅᓪᓗᒥᐅᔪᖅ ᐊᑦᑐᐃᓂᕆᔭᖏᓐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐃᒪᕐᒥᐅᑕᐅᔪᓂᑦ.

ᐅᓪᓗᒥᐅᔪᖅ, ᓯᑏᕙᓐ ᒍᐃᐴ, ᒥᓂᔅᑕᐅᔪᖅ ᐊᕙᑎᓕᕆᓂᕐᒧᑦ, ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᓂᑦ ᐊᒻᒪᓗ ᒥᓂᔅᑕᐅᔪᖅ ᑲᒪᒋᔭᖃᖅᑐᖅ ᒥᕐᖑᐃᕐᓯᕐᕕᓕᕆᔨᒃᑯᓐᓂᒃ ᑲᓇᑕᒥ, ᐅᖃᓚᐅᖅᑐᖅ, ᓄᖅᑲᖓᓚᐅᖅᑎᓪᓗᒋᑦ ᐊᕐᕌᒎ ᒪᕐᕉᓐᓄᑦ ᐱᔾᔪᑎᒋᓪᓗᒍ ᖃᓂᒪᓐᓇᖅ ᓯᐊᒻᒪᑐᐃᓐᓇᕆᐊᓕᒃ ᐅᖑᒪᔭᐅᖁᓪᓗᒍ, ᒥᕐᖑᐃᕐᓯᕝᕕᓕᕆᔨᒃᑯᑦ ᑲᓇᑕᒥ ᐃᒪᐅᑉ ᐃᖅᑲᖓᓂ ᐃᑦᑕᕐᓂᓴᖅᓯᐅᖅᑏᑦ ᐅᑎᓛᓕᖅᑐᑦ ᑯᐃᓐ ᐅᒥᐊᕐᔪᐊᖓᓄᑦ ᐃᐅᕆᐸᔅᒧᑦ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓᓄᑦ ᑎᐅᕈᒧᑦ (HMS Terror) ᐅᒦᔭᕐᕕᒥᓂᖏᓐᓄᑦ ᑲᓇᑕᒥ ᐃᑦᑕᕐᓂᓴᖃᕝᕕᐅᔪᒥ ᐱᓕᕆᔭᖅᑐᕐᓗᑎᒃ ᐱᒻᒪᕆᐅᔪᓂᒃ ᐃᑦᑕᕐᓂᓴᖅᓯᐅᕆᐊᕐᓗᑎᒃ ᐊᑦᑐᐊᔪᓄᑦ ᕿᓂᕝᕕᐅᓂᖏᓐᓄᑦ ᐊᒻᒪᓗ ᐊᓯᐅᑎᑕᐅᑦᑕᐃᓕᒪᓂᖏᓐᓄᑦ ᑖᒃᑯᐊᒃ ᖃᐅᔨᒪᔭᐅᔪᒻᒪᕆᐅᑎᓪᓗᒋᒃ ᐅᒥᐊᕐᔪᐊᒃ.

ᑕᒫᓂ ᑕᖅᑭᐅᔪᒥ, ᐃᒪᐅᑉ ᐃᖅᑲᖓᓂ ᐃᑦᑕᕐᓂᓴᖅᓯᐅᖅᑎᐅᔪᑦ ᐊᐅᓪᓚᕐᓂᐊᕐᒪᑕ ᐅᒦᔭᕐᕕᒥᓂᐅᔪᒧᑦ ᐊᑐᕐᓂᐊᖅᑐᑎᒃ ᐱᐅᓂᖅᐹᖑᔪᓂᒃ ᐃᓄᖃᖏᓪᓗᑎᒃ ᐊᐅᓚᑕᔅᓴᐅᔪᓄᑦ ᐊᖅᑲᐅᒪᓲᓂᒃ ᓯᑰᑉ ᐊᑖᒍᑦ ᖃᐅᔨᓴᕐᓗᑎᒃ ᐅᒥᐊᕐᔪᐊᕕᓂᕐᓂᒃ ᐊᒻᒪᓗ ᐃᒪᐅᑉ ᐃᖅᑲᖓᑕ ᐊᕙᑎᖏᓐᓂ. ᐃᓄᖃᖏᓪᓗᑎᒃ ᐊᐅᓚᑕᔅᓴᐅᔪᓄᑦ ᐊᖅᑲᐅᒪᓲᑦ ᐊᖅᑲᖅᑎᑕᐅᖃᑦᑕᕐᓂᐊᖅᑐᑦ ᐱᖁᑎᑎᒍᑦ ᐃᑲᔪᖅᑐᖅᑕᐅᓗᑎᒃ ᐃᓄᓐᓂᑦ ᐸᖅᑭᑦᑎᖅᑎᐅᔪᓂᑦ, ᐃᑲᔪᕐᓂᐊᖅᑐᓂᒃ ᐃᓚᓕᐅᔾᔨᓗᑎᒃ ᐃᓄᐃᑦ ᖃᐅᔨᒪᓂᕆᔭᖏᓐᓂᒃ ᓴᐳᒻᒥᔭᐅᓂᖏᓐᓄᑦ ᖃᐅᔨᓴᖅᑕᐅᕙᓪᓕᐊᓂᖏᓐᓄᓪᓗ ᐃᓂᖏᓐᓂ ᐱᓕᕆᓂᖅ. ᐊᖅᑲᐅᒪᑎᓪᓗᒋᑦ ᐊᔾᔨᓕᐅᕆᖃᑦᑕᓛᖅᑐᑦ ᓄᓇᙳᐊᓕᐊᕆᔭᐅᓗᑎᓪᓗ ᐅᒦᔭᕐᕕᒥᓃᒃ ᐃᓂᖏᒃ ᐊᒻᒪᓗ ᐃᑦᑕᕐᓂᓴᖅᓯᐅᖅᑏᑦ ᖃᐅᔨᓇᓱᒍᓐᓇᕐᓂᐊᕐᒪᑕ ᖃᓄᐃᓕᖓᒻᒪᖔᑕ ᑭᕕᔪᕕᓃᒃ.

ᐊᐃᑉᐸᖓᓂ ᖃᐅᔨᓇᓱᐊᕐᓂᐅᑉ ᐊᐅᔭᐅᓂᐊᖅᑐᖅ ᐸᕐᓇᒃᑕᐅᓯᒪᔪᑦ, ᐊᖅᑲᐅᒪᓪᓗᑎᒃ ᐃᑦᑕᕐᓂᓴᖅᓯᐅᖅᑏᑦ ᐸᕐᓇᓯᒪᔪᑦ ᐊᖅᑲᐅᒪᑲᑕᓛᕈᒪᓪᓗᑎᒃ ᑯᐃᓐ ᐅᒥᐊᕐᔪᐊᖓᓄᑦ ᐃᐅᕆᐸᔅᒧᑦ (HMS Erebus) ᑲᔪᓯᖁᓪᓗᒍ ᖃᐅᔨᓇᓱᐊᕐᓂᐅᔪᖅ, ᑎᑎᕋᖅᑕᐅᓗᑎᒡᓗ ᐊᒻᒪᓗ ᖃᓗᕋᕐᕕᐅᓗᓂ ᐅᒦᔭᕐᕕᒥᓂᐅᔪᖅ. ᐊᒻᒪᑦᑕᐅᖅ ᐊᖅᑲᐅᒪᓪᓗᑎᒃ ᐃᑦᑕᕐᓂᓴᖅᓯᐅᖅᑏᑦ ᓂᕆᐅᑦᑐᑦ ᑲᔪᓯᓛᕐᓂᕐᒥᓂᑦ ᐃᑦᑕᕐᓂᓴᖅᓯᐅᕐᓂᕐᒥ ᐊᖅᑲᐅᒪᖃᑦᑕᕐᓗᑎᒃ ᑯᐃᓐ ᐅᒥᐊᕐᔪᐊᖓᓂ ᑎᐅᕈᒥ (HMS Terror), ᐃᓚᒋᓗᒋᑦ ᖄᒃᑲᓐᓂᐊᒍᑦ ᐃᓗᖏᓐᓂᒃ ᐊᖅᑲᐅᒪᓲᒃᑯᑦ ᐊᔾᔨᓕᐅᕆᓗᑎᒃ. ᖃᐅᔨᓴᕐᓂᐅᔪᖅ ᑲᔪᓯᑎᑕᐅᓂᐊᖅᑐᖅ ᐱᓕᕆᖃᑎᒋᓗᒋᑦ ᐃᓄᐃᑦ ᐸᖅᑭᑦᑎᔩᑦ.

ᐃᑲᔪᖅᑐᐃᓪᓗᑎᒃ 2022-ᒥ ᖃᐅᔨᓴᕐᓂᐅᓂᐊᖅᑐᒥᒃ, ᑲᓇᑕᐅᑉ ᒐᕙᒪᖏᑦ ᑲᔪᓯᑎᑦᑎᒻᒪᑕ ᐊᐃᑉᐸᕆᓕᖅᑕᖓᓂᒃ ᐊᕐᕌᒍᓂᒃ-ᑎᓴᒪᓂᒃ ᐊᖏᕐᓂᕆᓚᐅᖅᑕᒥᓐᓂᒃ ᑮᓇᐅᔭᖅᑑᑎᔅᓴᓂ 2021-ᒥ (ᖃᓪᓗᓈᑎᑐᑦ ᑭᓯᐊᓂ) ᓱᒃᑲᒃᑎᑦᑎᒋᐊᕈᒪᓪᓗᑎᒃ ᐃᑦᑕᕐᓂᓴᖅᓯᐅᕐᓂᐅᔪᒥᒃ ᐊᒻᒪᓗ ᐊᓯᐅᑎᑦᑎᑦᑕᐃᓕᒪᓂᕐᒥᓐᓂᒃ ᐱᓕᕆᐊᒥᓐᓂᒃ ᕗᕌᓐᖏᓕᓐ ᖃᐅᔨᓇᓱᐊᕐᓂᒥᓂᖓᑕ ᐃᓂᒋᔭᖏᓐᓂ.

ᒥᕐᖑᐃᕐᓯᕐᕕᓕᕆᔨᒃᑯᑦ ᑲᓇᑕᒥ ᐊᒥᖅᑳᕈᑎᖃᕐᓂᐊᖅᑐᑦ ᑐᓴᒐᔅᓴᒃᑲᓐᓂᕐᓂᒃ ᐊᖅᑲᐅᒪᓪᓗᑎᒃ ᐃᑦᑕᕐᓂᓴᖅᓯᐅᖅᑏᑦ ᐊᐅᔭᒃᑯ ᖃᐅᔨᓚᐅᖅᑕᖏᓐᓂᑦ ᐱᓕᕆᑎᓪᓗᒋᑦ ᐅᒦᔭᕐᕕᒥᓂᐅᔪᒥ 2022-ᖑᑎᓪᓗᒍ ᐃᑦᑕᕐᓂᓴᖅᓯᐅᕐᓂᖅ ᐱᕙᓪᓕᐊᑎᓪᓗᒍ ᐃᓗᓕᖏᓪᓗ ᓱᖅᑯᐃᖅᑕᐅᔪᑦ.

ᐅᖃᖅᑕᐅᓯᒪᔪᑦ

“ᑲᔪᓯᓂᕆᔭᖏᑦ ᖃᐅᔨᓴᕐᓂᐅᔪᑦ ᐃᓂᒋᔭᖏᓐᓂ ᑯᐃᓐ ᐅᒥᐊᕐᔪᐊᖓ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᐅᒦᔭᕐᕕᒥᓂᖏᑦ ᑭᒡᒐᖅᑐᐃᕗᖅ ᐱᒻᒪᕆᐅᔪᒥᒃ ᐱᕕᔅᓴᐅᔪᓐᓇᕐᑐᒥᒃ ᑲᔪᓰᓐᓇᖁᓪᓗᒍ ᖃᐅᔨᓴᕐᓂᐅᔪᖅ ᐅᓂᒃᑳᖅᑐᐊᕐᒥᒃ ᕗᕌᓐᖏᓕᓐ ᖃᐅᔨᓇᓱᐊᕐᓂᕆᓚᐅᖅᑕᖏᑕ ᒥᑦᓴᓄᑦ ᐅᓂᒃᑳᖑᔪᑦ. ᐃᖅᑲᓇᐃᔭᖃᑎᒋᓗᒋᑦ ᐃᓄᐃᑦ ᐱᓕᕆᖃᑎᒋᔭᕗᑦ, ᑖᓐᓇ ᖃᐅᔨᓴᕐᓂᐅᔪᖅ ᐃᓕᑎᑦᑎᒃᑲᓐᓂᕐᓂᐊᕐᒪᑦ ᖃᓄᖅ ᓴᐳᒻᒥᔭᐅᔪᓐᓇᕐᒪᖔᑕ ᑖᒃᑯᐊ ᐃᑦᑕᕐᓂᓴᖃᕝᕕᐅᔪᑦ, ᐊᒻᒪᓗ ᐊᓐᓂᕐᓇᖅᑐᖅ ᐃᓂᒋᔭᖏᑦ, ᑕᒪᙵᑦ ᐊᑦᑐᐃᓂᐅᔪᒥᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ. ᓂᕆᐅᑦᑐᐃᓐᓇᐅᕗᒍᑦ ᖃᐅᔨᔪᒪᓪᓗᑕ ᖃᓄᖅ ᐊᕐᕌᒎᔪᒥ ᖃᐅᔨᓴᕐᓂᐅᔪᖅ ᓇᓂᓯᓂᐊᕐᒪᖔᑦ.”

ᑲᑎᒪᔨᕐᔪᐊᖅ ᓯᑏᕙᓐ ᒍᐃᐴ
ᒥᓂᔅᑕᐅᔪᖅ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒻᒪᓗ ᒥᓂᔅᑕᐅᔪᖅ ᑲᒪᒋᔭᖃᕐᑐᖅ ᒥᕐᖑᐃᕐᓯᕝᕕᖕᓄᑦ ᑲᓇᑕᒥ

“ᕗᕌᓐᖏᓕᓐ ᒥᑦᓵᓄᑦ ᐅᖃᐅᔾᔨᒋᐊᖅᑎᐅᑲᐃᓐᓇᕐᑐᑦ ᑲᑎᒪᔨᕋᓛᖏᑦ ᖁᕕᐊᓱᒃᐳᑦ ᑐᓴᕆᐊᒃᓴᖅ ᐱᓕᕆᐊᖑᔪᒪᔪᓂᑦ ᐸᓐᓇᒃᑕᐅᓯᒪᔪᓂᓪᓗ ᐊᕐᕌᒎᔪᒥ ᐊᖅᑲᐅᒪᓪᓗᑎᒃ ᐃᑦᑕᕐᓂᓴᖅᓯᐅᖅᑎᖏᑦ ᑲᔪᓯᓂᐊᕐᓂᖏᓐᓂᑦ. ᓄᕙᒡᔪᐊᕐᓇᖅ ᐱᔾᔪᑎᒋᓪᓗᒍ ᐱᓕᕆᔪᖃᖃᑦᑕᖅᓯᒪᖏᒻᒪᑦ ᐃᑦᑕᕐᓂᓴᖃᕝᕕᐅᔪᒥ ᐅᑭᐅᖕᓂ ᒪᕐᕉᖕᓂᒃ. ᐱᒻᒪᕆᐅᓂᐊᖅᐳᖅ ᖃᐅᔨᓗᓂ ᓱᕋᑦᑐᖃᕐᓂᕐᒪᖔᑦ ᐃᐅᕆᐸᔅ (Erebus) ᐃᓂᖓ ᐅᒦᔭᕐᕕᒥᓂᖓᑕ ᐃᒃᑲᑦᑐᒦᒻᒪᑦ. ᖃᐅᔨᔪᒪᑦᑎᐊᖅᐳᒍᑦ ᖃᓄᖅ ᑎᐅᕈ (Terror) ᑕᑯᑎᑦᑎᔪᓐᓇᕐᓂᐊᕐᒪᖔᑦ ᐅᕙᑦᑎᓐᓂᒃ ᐃᓂᒋᔭᖓ ᐋᖅᑭᑦᑎᐊᖅᓯᒪᖕᒪᑦ ᐊᒻᒪᓗ ᐊᐅᔭᐅᓂᐊᖅᑐᖅ ᐱᓕᕆᕕᐅᓂᐊᖅᑐᖅ ᐱᔪᓐᓇᖅᓯᑎᑦᑎᓂᐊᕐᒪᑦ ᐊᖅᑲᐅᒪᓲᖅᑎᓂᒃ ᑕᑯᓇᑦᑎᐊᒃᑲᓐᓂᕈᓐᓇᖁᓪᓗᒋᑦ ᐱᓕᕆᓂᖅᓴᐅᔪᓐᓇᕐᓂᐊᕐᒪᑕ ᐊᖅᑲᐅᒪᓲᕐᕕᐅᖃᑦᑕᕐᓂᐊᖅᑐᖅ ᑭᓴᖅᓯᒪᑦᑎᐊᓕᖅᐸᑦ. ᐊᖅᑲᐅᒪᓲᖅᑏᑦ ᐃᑦᑕᕐᓂᓴᖅᑎᐅᖅᑏᑦ ᐸᓐᓇᐃᓯᒪᔪᑦ ᐱᓕᕆᐊᖃᑎᖃᕈᒪᓪᓗᑎᒃ ᓄᓇᓕᓐᓂᒥᐅᑕᕐᓂᒃ ᐸᐃᖅᓯᔨᓂᒃ ᐊᒻᒪᓗ ᐃᑲᔫᑎᖏᑦ ᐃᓚᖃᕐᓂᐊᕐᒪᑦ ᐃᓄᖕᓂᑦ ᐃᓱᒪᒋᔭᐅᔪᓂᒃ ᑖᔅᓱᒧᖓ ᖃᐅᔨᓴᕐᓂᐅᔪᒧᑦ ᐊᒻᒪᓗ ᑕᑯᑲᐅᑎᒋᔪᓐᓇᕐᓗᑎᒃ ᐱᖁᑎᓂᒃ ᓴᐳᒻᒥᔭᖏᓐᓂᒃ.”

ᕗᕆᐊᑦ ᐲᑐᓴᓐ
ᐃᔅᓯᕙᐅᑕᖅ, ᕗᕌᓐᖏᓕᓐ ᐅᖃᐅᔾᔨᒋᐊᖅᑎᐅᑲᐃᓐᓇᕐᑐᑦ ᑲᑎᒪᔨᕋᓛᖏᓐᓄᑦ

ᐅᓂᒃᑳᕆᐊᖅᑕᐅᓂᖏᑦ ᐊᑐᖅᓯᒪᓪᓚᑖᖅᑐᑦ

• ᑖᒃᑯᐊ ᐅᒥᐅᔪᕕᓃᒃ ᑯᐃᓐ ᐅᒥᐊᕐᔪᐊᖓ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᑲᓇᑕᒥ ᐃᑦᑕᕐᓂᓴᖃᕐᕕᐅᔪᖅ ᓯᕗᓪᓕᖅᐹᖑᓪᓗᓂ ᑲᑐᔾᔨᖃᑎᒌᓐᓂᒃᑯᑦ ᐊᐅᓚᑕᐅᔪᖅ ᑲᓇᑕᒥ ᐃᑦᑕᕐᓂᓴᖃᕐᕕᐅᓪᓗᓂ ᓄᓇᕗᒻᒥ. ᐊᖓᔪᖅᑳᑉ ᐅᒥᐊᕐᔪᐊᖓ ᑎᐅᕋ ᐃᓚᓕᐅᑎᔭᐅᓚᐅᖅᑐᖅ ᑭᕕᕝᕕᕕᓂᖏᓐᓄᑦ ᑯᐃᓐ ᐅᒥᐊᕐᔪᐊᖓ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᑲᓇᑕᒥ ᐃᑦᑕᕐᓂᓴᖃᕝᕕᐅᓕᖅᑑᒃ ᐃᓂᖏᒃ 2017-ᒥᓂᑦ, ᐱᑕᖃᖁᓪᓗᒍ ᒪᓕᒐᑎᒍᑦ ᓴᐳᒻᒥᔭᐅᓗᑎᒃ ᐅᒦᔭᕐᕕᒥᓂᐅᔫᒃ ᑲᓇᑕᐅᑉ ᒥᕐᖑᐃᕐᓯᕝᕕᖕᓄᑦ ᑲᓇᑕᒥ ᒪᓕᒐᖓᑕ ᐊᑖᓂ. ᐅᒦᔭᕐᕕᒥᓂᐅᔪᖅ ᑯᐃᓐ ᐅᒥᐊᕐᔪᐊᖓᓄᑦ ᐃᐅᕆᐸᔅ (HMS Erebus) ᐃᓚᓕᐅᑎᔭᐅᓚᐅᖅᑐᖅ ᑲᓇᑕᒥ ᐃᑦᑕᕐᓂᓴᖃᕝᕕᐅᔪᓄᑦ 2015-ᒥ.
• ᓴᖅᑭᑕᐅᓚᐅᖅᑐᑦ 2016-ᒥ, ᕗᕌᓐᖏᓕᓐ ᐅᖃᐅᔾᔨᒋᐊᖅᑎᐅᑲᐃᓐᓇᕐᑐᑦ ᑲᑎᒪᔨᕋᓛᖏᑦ, ᐃᓚᖃᐅᖅᑐᑦ ᓄᓇᓕᓐᓂᙶᖅᓯᒪᔪᓂᒃ ᐊᒻᒪᓗ ᑭᒡᒐᖅᑐᐃᔨᐅᔪᓂᒃ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ, ᐃᓄᐃᑦ ᐱᖅᑯᓯᓕᕆᓂᕐᒧᑦ ᐸᐸᑦᑎᔨᖏᓐᓂᑦ, ᓄᓇᕗᑦ ᒐᕙᒪᖏᓐᓂᑦ, ᐃᓕᖅᑯᓯᓕᕆᔨᒃᑯᓐᓂᑦ ᐊᒻᒪᓗ ᐳᓚᕋᑦᑐᓕᕆᔨᒃᑯᓐᓂᑦ ᐊᒻᒪᓗ ᒥᕐᖑᐃᕐᓯᕝᕕᓕᕆᔨᒃᑯᓐᓂᑦ ᑲᓇᑕᒥ ᐅᖃᐅᔾᔨᒋᐊᖅᑎᐅᓲᑦ ᐊᐅᓚᑕᐅᓂᖏᓐᓄᑦ ᐅᒦᔭᕐᓂᑯᓄᑦ ᐅᒥᐊᕐᔪᐊᕐᓄᑦ ᑭᓯᐊᓂ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑎ ᐱᔭᕇᖅᑕᐅᑉᐸᑦ ᑖᒃᑯᓇᙵᑦ ᒥᕐᖑᐃᕐᓯᕝᕕᓕᕆᔨᒃᑯᓐᓂᑦ ᑲᓇᑕᒥ ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ.
• ᑕᐃᒪᙵᓂᑦ 2017-ᒥᑦ, ᐸᖅᑭᑦᑎᖅᑎᐅᓂᕐᒧᑦ ᐱᓕᕆᐊᖑᔪᖅ ᐊᐅᓚᓂᖃᖅᓯᒪᓕᖅᑐᖅ ᐅᒦᔭᕐᓂᑯᕕᓃᒃ ᑯᐃᓐ ᐅᒥᐊᕐᔪᐊᖓ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᑲᓇᑕᒥ ᐃᑦᑕᕐᓂᓴᖃᕐᕕᖓᓂ, ᐃᓚᐅᓪᓗᑎᒃ ᐃᓄᐃᑦ ᐅᖅᓱᖅᑑᒥ ᓴᐳᒻᒥᔭᐅᖁᓪᓗᒋᑦ ᐊᒻᒪᓗ ᖃᐅᔨᓴᖅᑕᐅᕙᓪᓕᐊᖃᑦᑕᕐᓂᖏᓐᓄᑦ ᕗᕋᓐᖏᓕᓐ ᐅᒦᔭᕐᕕᒥᓂᖏᒃ ᐊᒻᒪᓗ ᐃᑲᔫᑕᐅᓪᓗᑎᒃ ᐃᓚᓕᐅᔾᔭᐅᔪᓐᓇᖁᓪᓗᒋᑦ ᐃᓄᐃᑦ ᖃᐅᔨᒪᓂᖏᑦ ᒥᕐᖑᐃᕐᓯᕝᕕᓕᕆᔨᒃᑯᑦ ᑲᓇᑕᒥ ᐊᐅᓚᓂᕆᔭᖏᓐᓄᑦ ᐊᒻᒪᓗ ᐊᐅᓚᑦᑎᓂᕆᔭᖏᓐᓄᑦ ᑲᓇᑕᒥ ᐃᑦᑕᕐᓂᓴᖃᕝᕕᐅᔪᒧᑦ.
• ᑕᐃᒪᙵᑦ 2018, ᑕᒪᕐᒥᒃ ᓇᓂᔭᐅᓕᓵᕐᓂᑯᐃᑦ ᐃᑦᑕᕐᓂᓴᖃᕐᕕᖏᒃ ᑯᐃᓐ ᐅᒥᐊᕐᔪᐊᖓ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᑲᑐᔾᔭᐅᓪᓗᑎᒃ ᓇᖕᒥᓂᕆᔭᐅᔪᑦ ᑲᓇᑕᐅᑉ ᒐᕙᒪᖏᓐᓂᑦ ᐊᒻᒪᓗ ᐃᓄᓐᓂᑦ. ᐄᑉᐳ 2019-ᒥ, ᑲᓇᑕᐅᑉ ᒐᕙᒪᖏᑦ ᐊᒻᒪᓗ ᐃᓄᐃᑦ ᐱᖅᑯᓯᖏᓐᓂᒃ ᐸᐸᑦᑎᔩᑦ ᐊᑎᓕᐅᖅᓯᓚᐅᖅᑐᑦ ᑐᑭᓯᐅᒪᖃᑎᒌᓐᓂᕐᒧᑦ ᐊᖏᖃᑎᒌᒍᑎᒥᒃ ᓇᓗᓇᐃᔭᖅᓯᒪᓪᓗᓂ ᖃᓄᖅ ᑖᒃᑯᐊᒃ ᒪᕐᕉᒃ ᑎᒥᐅᔫᒃ ᐱᓕᕆᖃᑎᒌᖕᓂᐊᕐᒪᖔᑎᒃ ᓴᐳᒻᒥᔭᐅᖁᓪᓗᒋᑦ, ᖃᐅᔨᓴᕐᓗᒋᑦ, ᐸᖅᑭᓗᒋᑦ ᐊᒻᒪᓗ ᐊᒥᖅᑳᕈᑎᒋᕙᓪᓗᒋᑦ ᕗᕋᓐᒃᓕᓐ ᐃᑦᑕᕐᓂᓴᖁᑎᖏᑦ.
• ᐊᒡᒌᓯ 2019ᒥ, ᒥᕐᖑᐃᕐᓯᕝᕕᓕᕆᔨᒃᑯᑦ ᑲᓇᑕᒥ ᐊᑐᐃᓐᓇᕈᐃᓚᐅᖅᑐᑦ ᐱᒻᒪᕆᐊᓗᓐᓂᒃ ᑕᑯᔭᐅᓚᐅᖅᓯᒪᖏᑦᑐᓂᒃ ᑕᕐᕆᔭᐅᓯᐅᖅᑕᐅᓯᒪᔪᓂᒃ (ᖃᓪᓗᓈᑎᑐᑦ ᑭᓯᐊᓂ) ᑯᐃᓐ ᐅᒥᐊᕐᔪᐊᖓ ᑎᐅᕈᒥᒃ (HMS Terror) ᐃᓚᒋᔭᐅᓪᓗᓂ ᐊᖏᓂᖅᐹᖑᓪᓗᓂ, ᐱᔭᕐᓂᖏᓐᓂᖅᐹᖑᓪᓗᓂ ᐊᖅᑲᐅᒪᓪᓗᓂ ᐃᑦᑕᕐᓂᓴᖅᓯᐅᕐᓂᕐᒥᒃ ᐱᓕᕆᐊᖑᓯᒪᔪᒥᒃ ᑲᓇᑕ ᑕᐃᒪᙵᑦ ᐱᑕᖃᓕᓚᐅᖅᓯᒪᓂᖓᓂᑦ. ᐱᒋᐊᕈᑎᒋᓪᓗᒋᑦ ᐅᐊᑲᓪᓚᐅᔪᑦ ᓯᕗᓪᓕᖅᐹᑦᑎᐊᑦ ᕿᓂᕐᓂᐅᔪᑦ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᐃᓗᐊᓂ, ᒥᕐᖑᐃᕐᓯᕝᕕᓕᕆᔨᒃᑯᑦ ᑲᓇᑕᒥ ᐊᖅᑲᐅᒪᓪᓗᑎᒃ ᐃᑦᑕᕐᓂᓴᖅᓯᐅᖅᑎᖏᑦ, ᐱᓕᕆᖃᑎᖃᕐᖢᑎᒃ ᐃᓄᓐᓂᒃ, ᐱᔪᓐᓇᖅᓯᓚᐅᖅᑐᑦ 350 ᐅᖓᑖᓂᑦᑐᓂᒃ ᐃᑦᑕᕐᓂᓴᐅᔪᒥᑦ ᑯᐃᓐ ᐅᒥᐊᕐᔪᐊᖓᓂᑦ ᐃᐅᕆᐸᔅᒥᑦ (HMS Terror).
• ᑮᓇᐅᔭᖅᑑᑎᔅᓴᐃᑦ 2021-ᒥ (ᖃᓪᓗᓈᑎᑐᑦ ᑭᓯᐊᓂ) ᐊᑐᐃᓐᓇᕈᐃᓚᐅᖅᑐᑦ $15 ᒥᓕᐊᓂᒃ ᐅᑭᐅᓄᑦ ᐱᖓᓱᓄᑦ, ᐱᒋᐊᕐᓗᓂ 2021-2022-ᒥ, ᐃᑲᔪᖅᑐᖅᑕᐅᖁᓪᓗᒋᑦ ᐊᒻᒪᓗ ᓱᒃᑲᓕᒋᐊᖅᑎᓪᓗᒋᑦ ᐊᓯᐅᑎᑦᑎᑦᑕᐃᓕᒪᓂᕐᒧᑦ ᐱᓕᕆᐊᖑᔪᑦ ᑖᒃᑯᓇᓂ ᐃᓂᐅᔪᓂ ᓄᓇᕐᔪᐊᓕᒫᒥ ᐱᒻᒪᕆᐅᓂᖃᖅᑐᓄᑦ.

ᐃᓚᒋᔭᖏᑦ ᐅᐸᒃᑕᐅᔪᓐᓇᕐᑐᑦ ᖃᕋᓴᐅᔭᒃᑯᑦ

• ᐅᒦᔭᕐᓂᑯᕕᓃᒃ ᑯᐃᓐ ᐅᒥᐊᕐᔪᐊᖓ ᐃᐅᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᕐᔪᐊᖓ ᑎᐅᕈ (HMS Terror) ᑲᓇᑕᒥ ᐃᑦᑕᕐᓂᓴᖃᕐᕕᒃ (ᖃᓪᓗᓈᑎᑐᑦ ᑭᓯᐊᓂ)


• ᖃᐅᔨᔭᐅᓵᓚᐅᖅᑐᑦ ᑯᐃᓐ ᐅᒥᐊᕐᔪᐊᖓᓂ ᐃᐅᕆᐸᔅᒥ (HMS Erebus)


• @PCArchaeology (ᖃᓪᓗᓈᑎᑐᑦ ᑭᓯᐊᓂ)

ᖃᐅᔨᒋᐊᕐᕕᐅᔪᓐᓇᖅᑐᑦ

ᑲᐃᑦᓕᓐ ᐸᐅᕙ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ
ᑎᑎᕋᕐᕕᖓ ᒥᓂᔅᑕᐅᔫᑉ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ
819-230-1557
kaitlin.power@ec.gc.ca

ᑐᓴᒐᒃᓴᓕᕆᔩᑦ
ᒥᕐᖑᐃᕐᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᕕᖓ
855-862-1812
pc.media@pc.gc.ca